Presidenti amerikan Donald Trump deklaroi të martën se ai dhe zonja e parë Melania Trump janë thellësisht të goditur nga pamjet e urisë dhe skamjes që vijnë nga Gaza. “Ajo mendon se është e tmerrshme,” tha Trump për zonjën e parë, “dhe sheh të njëjtat pamje që i shihni ju, që i shohim të gjithë. Dhe mendoj se të gjithë, përveç nëse janë mjaft të ftohtë – ose edhe më keq, të çmendur – nuk mund të thonë gjë tjetër veçse se është e tmerrshme kur shikojnë fëmijët.”
“Dhe janë fëmijë, e dini, pavarësisht nëse flasin për urinë apo jo, janë fëmijë që vdesin nga uria,” tha ai para gazetarëve në bord të Air Force One ndërsa udhëtonte nga Skocia drejt Uashingtonit, DC.
Komentet e Trump vijnë vetëm një ditë pasi ai njoftoi planet për të krijuar “qendra ushqimi” në Gaza dhe pasi hodhi poshtë publikisht pohimin e kryeministrit izraelit Benjamin Netanyahu se në enklavë nuk ka urie.
“Këta fëmijë duken shumë të uritur,” tha Trump të martën.
Që nga tetori i vitit 2023, Izraeli ka vrarë më shumë se 60,000 palestinezë në gjenocidin në Gaza. Për shkak të bllokadës izraelite, aktualisht në Gaza po përjetohet uria që po vret fëmijë.
