Speleologu amerikan Mark Dickey, i cili u bllokua në fund të një shpelle në Turqinë jugore më 2 shtator, u shpëtua mbrëmë, njoftoi Federata e Speleologjisë Turke.
“Mark Dickey ka dalë”, ka shkruar Federata Speleologjike Turke, duke shtuar se “operacioni i shpëtimit ka përfunduar me sukses”.
Speleologu u bllokua në një shpellë pasi pësoi gjakderdhje në zgavrën e barkut gjatë eksplorimit të rrjetit të shpellave Morça pranë qytetit të Mersinit në një thellësi prej njëmijë metrash nga një grup ndërkombëtar speleologësh.
US explorer Mark Dickey was finally pulled out after he was trapped in Türkiye’s third deepest cave in Mersin. He reportedly suffered from gastrointestinal bleeding at 1,040 metres depth. More than 150 rescuers from Türkiye and other countries were involved in the operations pic.twitter.com/VbchNozWhc
— TRT World (@trtworld) September 11, 2023
Dickey tha se mendonte se nuk do t’i mbijetonte sprovës pasi gjendja e tij u përkeqësua.
Fillova të vjella gjak dhe ai po dilte në një sasi gjithnjë e më të madhe. Më pas u bë gjithnjë e më e vështirë për mua të mbaja vetëdijen dhe arrita në pikën ku thashë: Nuk do të mbijetoj”, tha Dickey.
Prindërit e Dickey, Debbie dhe Andy Dickey, thanë se “Komuniteti Ndërkombëtar i Speleologjisë” “i bëri të mundur Markut të largohej nga Shpella Morca dhe të merrte trajtim të mëtejshëm mjekësor në një institucion spitalor. Ata shtuan se shpëtimi i djalit të tyre ishte një “lehtësim i papërshkrueshëm” dhe i mbushi ata me “gëzim të pabesueshëm”.
Dickey ishte një nga drejtuesit e një ekipi që hartonte një pasazh të ri në shpellë kur filloi të vuante nga gjakderdhja gastrointestinale. Gjendja e tij u përmirësua pasi mori një transfuzion gjaku. Pastaj e lidhën në një barelë dhe e nxorrën ngadalë jashtë.
Shpëtimi i tij përfshinte lundrimin nëpër tunele të ngushta guri, por edhe përdorimin e eksplozivëve në vendet më të ngushta.
Një numër shpëtimtarësh nga disa vende të tjera, duke përfshirë Kroacinë dhe Hungarinë, fluturuan në Turqi për të ndihmuar me shpëtimin.
Të enjten mbrëma, në një video-mesazh nga shpella, Dickey falënderoi njerëzit që u përpoqën ta shpëtonin.
“Unë e di se përgjigja e shpejtë e qeverisë turke për të marrë furnizimet mjekësore që më duheshin më shpëtoi jetën. Isha shumë afër kufirit,” tha Dickey.
