Forcat ruse mbrëmë kanë goditur fabrikën e dronëve Bayraktar në kryeqytetin e Ukrainës, Kiev, njoftoi Ihor Zinkevyç, bashkëthemelues i organizatës joqeveritare Varta-1 dhe anëtar i Këshillit të Qytetit të Lvivit, raporton Ukrainska Pravda.
Sipas tij, janë regjistruar dy goditje direkte, të cilat kanë shkaktuar dëme serioze në kapacitetet prodhuese, edhe pse përmasat e sakta të shkatërrimit ende nuk dihen.
“Pavarësisht luftës dhe sulmeve të mëparshme, kompania ka vazhduar të investojë dhjetëra milionë nga mjetet e veta, ka trajnuar personel dhe është përgatitur për prodhim. Shumica e objekteve tashmë ishin pothuajse gati, ndërsa stafi kryesor kishte përfunduar trajnimin”, – deklaroi Zinkevyç.
Ky është sulmi i katërt në gjashtë muajt e fundit mbi fabrikën e Bayraktarit në Kiev.
