Raketat balistike ruse Iskander-M tani kanë një profil të modifikuar fluturimi që u lejon të manovrojnë në ajër dhe të lëshojnë pajisje mashtruese (mamca), gjë që e vështirëson gjithnjë e më shumë interceptimin nga sistemi amerikan i mbrojtjes ajrore Patriot.
Sipas mediave amerikane, Ukraina aktualisht ka pesë bateri të sistemit Patriot – tre të ofruara nga Shtetet e Bashkuara, një nga Rumania dhe një tjetër e furnizuar bashkërisht nga Gjermania dhe Holanda. Ky sistem përbën aktualisht mbrojtjen më të fortë të Ukrainës kundër raketave balistike.
Por, sipas raporteve të fundit të ushtrisë ukrainase, Iskander-ët rusë kanë pësuar modifikime të rëndësishme që e bëjnë shumë më të vështirë neutralizimin e tyre. “Forcat ajrore të Ukrainës kanë pasur vështirësi në përdorimin e qëndrueshëm të sistemit Patriot për të mbrojtur nga raketat balistike ruse për shkak të përmirësimeve të fundit taktike të armikut, përfshirë aftësinë e raketave për të ndryshuar trajektoren dhe për të kryer manovra në vend të fluturimit në trajektore të pastër balistike”, thuhet në raportin e Jurij Ihanat, inspektor i përgjithshëm i ushtrisë ukrainase.
Më 28 qershor, ushtria ruse lëshoi shtatë raketa balistike, nga të cilat mbrojtja ukrainase arriti të rrëzojë vetëm një. Sipas inspektoratit të ushtrisë, kërcënimet më të mëdha për momentin janë Iskander-M dhe raketa balistike KN-23 e Koresë së Veriut.
“I fluturimit të raketës balistike në një trajektore të tillë kuazi-balistike – kur ajo nuk bie në vijë të drejtë, por kryen manovra gjatë fluturimit – i vështirëson shumë punën sistemit Patriot, i cili llogarit pikën e interceptimit përmes softuerit, duke e bërë më të vështirë parashikimin e saktë të pozicionit të raketës”, shpjegoi Ihanat.
