Qytetarët grekë nga Flotilja Globale Sumud kthehen në shtëpi

Qytetarët grekë nga Flotilja Globale Sumud kthehen në shtëpi

Ministria greke tha se fluturimi gjithashtu transportonte 134 qytetarë nga 15 vende të tjera evropiane

Gjithsej 27 shtetas grekë, që u ndaluan pas sulmit të Izraelit ndaj Flotiljes Globale Sumud në ujërat ndërkombëtare, janë kthyer shëndoshë e mirë në Athinë me një fluturim të posaçëm riatdhesimi, transmeton Anadolu.

Operaioni u koordinua nga Ministria e Punëve të Jashtme dhe Ambasada e Greqisë në Tel Aviv.

Ministria greke tha se fluturimi gjithashtu transportonte 134 qytetarë nga 15 vende të tjera evropiane.

Flotilja, e përbërë nga aktivistë nga vende të ndryshme, ishte nisur për të sfiduar bllokadën e Gazës nga Izraeli kur u sulmua nga forcat izraelite në ujëra ndërkombëtarë javën e kaluar.

Forcat detare izraelite sulmuan dhe sekuestruan anije nga Flotilja Global Sumud, duke filluar nga e mërkura, duke ndaluar më shumë se 470 aktivistë nga mbi 50 vende. Flotilja po përpiqej të dërgonte ndihmë humanitare në Gaza dhe të sfidonte bllokadën e Izraelit ndaj enklavës.

Izraeli tashmë 18 vite po mban bllokadën ndaj Gazës, ku banojnë gati 2.4 milionë njerëz.

Që nga tetori i vitit 2023, operacionet ushtarake izraelite kanë vrarë më shumë se 67 mijë palestinezë në Gaza, shumica prej tyre gra dhe fëmijë. Bombardimet e pamëshirshme e kanë kthyer enklavën pothuajse të pabanueshme, me përhapjen e urisë dhe sëmundjeve.

Kategoritë
BotaLajme