Një qytet bregdetar në Portugali u përball me një përmbytje të paprecedentë kur më shumë se 2 milionë litra verë të kuqe kaluan nëpër rrugët e qytetit të vogël São Lorenzo de Bairro.
Dy rezervuarë në pronësi të fabrikës së pijeve Levira janë përgjegjës për përmbytjen dhe një video e postuar në internet tregon verën që derdhet në një kodër të pjerrët përmes qytetit me 2000 banorë.
Vërshimi i alkoolit nuk shkaktoi të lënduar, por dëme materiale, pasi përmbyti rrugët, tokat e afërta dhe hyri të paktën në një bodrum, raporton gazeta portugeze Diário de Coimbra.
The streets of Levira, Portugal were flooded with red wine after a distillery’s 2.2 million liter tanks burst.
— Pop Base (@PopBase) September 11, 2023
Burimet lokale raportojnë se ata reaguan shpejt ndaj derdhjes dhe Departamenti i Zjarrfikësve në Anadia bëri përpjekje për të devijuar verën dhe për të parandaluar kontaminimin e lumit Certima aty pranë, duke nxitur një alarm lokal mjedisor.
Distillery Levira kërkoi falje për incidentin dhe tha se kompania do të kujdeset për dëmin.“Ne marrim përgjegjësinë e plotë për kostot që lidhen me pastrimin dhe riparimin e dëmit dhe ekipet do ta bëjnë atë menjëherë”, thuhet në deklaratë.
“Ne jemi të përkushtuar që ta zgjidhim këtë situatë sa më shpejt që të jetë e mundur.Toka e njomur me verë do të dërgohet në një strukturë të veçantë trajtimi, tha kompania.
