Në takim synohet të diskutohen masat që do të merren kundër veprimeve të tilla dhe do të paraqitet qëndrim i përbashkët kundër mosrespektimit të Kuranit
Organizata e Bashkëpunimit Islam (OBI) më 2 korrik do të mbajë takim të jashtëzakonshëm në qytetin Jeddah të Arabisë Saudite për të diskutuar djegien e Kuranit në Suedi, raporton Anadolu.
Sipas informacioneve të siguruara nga burimet diplomatike, në takimin e OBI-t të planifikuar më 2 korrik do të diskutohen masat kundër sulmit ndaj Kuranit të kryer më 28 qershor në kryeqytetin e Suedisë, Stockholm.
Takimi i jashtëzakonshëm i Komitetit Ekzekutiv me pjesëmarrje të hapur në të cilin mund të marrin pjesë përfaqësuesit e përhershëm të të gjitha vendeve anëtare të OBI-t, si dhe vendet anëtare të Komitetit ekzekutiv të OBI-t në të cilin përshihen Türkiye, Arabia Saudite, Gambia, Pakistani, Mauritania dhe Kameruni, do të mbahet me kërkesë të Arabisë Saudite, e cila ka presidencën e radhës të Samitit të OBI-t.
Në takim synohet të diskutohen masat që do të merren kundër veprimeve të tilla dhe do të paraqitet qëndrim i përbashkët kundër mosrespektimit të Kuranit.
