Roja Bregdetare e SHBA-së supozon se janë gjetur “mbetje njerëzore” nga rrënojat dhe se janë duke u zhvilluar analiza zyrtare.
Të mërkurën në mbrëmje janë gjetur copëzat e para të nëndetëses turistike “Titan” që u shpërtheu në fillim të këtij muaji gjatë një udhëtimi drejt anijes së fundosur Titanik, sipas raporteve të mediave kanadeze, transmeton Anadolu.
Roja Bregdetare e SHBA-së tha se midis rrënojave janë gjetur mbetje njerëzore, për të cilat tha se do të bëhet një analizë zyrtare.
“Dëshmitë do t’u ofrojnë hetuesve nga disa juridiksione ndërkombëtare një pasqyrë kritike për shkakun e kësaj tragjedie. Nevojitet punë e konsiderueshme për të kuptuar faktorët që çuan në humbjen katastrofike të ‘Titan’-it dhe për të siguruar që të mos ndodhë më një tragjedi e ngjashme”, tha Jason Neubauer, i cili drejton hetimin për fundosjen e “Titan”-it.
Pasi u kryen studime nga ekipet e Rojës Bregdetare të SHBA-së dhe Kanadasë me automjete me telekomandë për të arritur në rrënojat e zhytësit, u gjetën disa pjesë të “Titan”-it.
Pjesët e para të rrënojave u sollën në një port në St. John’s, Newfoundland. Ndërsa u njoftua se mjetet e uljes dhe mbulesa e pasme e zhytësit ishin midis rrënojave, u vu re se pjesët e mbeturinave të hequra do të hidhnin dritë në hetimin që po kryhej për të përcaktuar shkakun e aksidentit.
Deri më tani nuk është bërë e ditur se ku do të dërgohen rrënojat.
Komunikimi me zhytësin “Titan”, në pronësi dhe operim të OceanGate Expeditions, një kompani private kërkimore dhe turizmi aventureske oqeanike, e cila bëri një vizitë turistike në përmbytjen e anijes “Titan” në Oqeanin Atlantik më 18 qershor, u ndërpre menjëherë pas zhytjes.
Studimet përcaktuan se zhytësi shpërtheu dhe u fundos ndërsa 5 personat në bord humbën jetën.
