Një variant i ri i koronavirusit i quajtur EG.5. tashmë po përhapet gjerësisht në Shtetet e Bashkuara të Amerikës dhe gjithnjë e më shumë pacientë të shtruar në spital po vuajnë nga ky lloj i veçantë i COVID-19.
Në nivel kombëtar, EG.5 është shkaku i rreth 17 për qind të rasteve të reja me koronavirus në vend. EG mund të duket si një lloj virusi krejtësisht i ri, por nuk është; është një lloj i familjes Omicron. Është një përhapje graduale e virusit, e kundërta e përhapjes së Omicron.
Siç raporton CNN, ky mutacion është shfaqur më parë në variante të tjera të koronavirusit. Shkencëtarët nuk janë të sigurt se çfarë simptomash të reja sjell virusi, por shkencëtarët dhe mjekët janë më së shumti të shqetësuar me atë që ky lloj “trashëgoi” nga shtamet e tjera.
Mutacioni 465, produkti i të cilit është EG.5, është i pranishëm në rreth 35 për qind të rasteve të koronavirusit të raportuara në mbarë botën. Jashtë SHBA-së, EG.5 po rritet me shpejtësi në Irlandë, Francë, MB, Japoni dhe Kinë. Organizata Botërore e Shëndetësisë së fundi e shtoi atë në listën e saj të varianteve nën vëzhgim.
Epidemiologët mendojnë se sjellja njerëzore është arsyeja kryesore e rishfaqjes së koronavirusit. Ata tregojnë gjëra të tilla si nxehtësia rekord që sjell më shumë njerëz në ambiente të mbyllura për ajër të kondicionuar, gjë që ndihmon në përhapjen e virusit. Udhëtimi veror i dërgon njerëzit jashtë rretheve të tyre normale shoqërore, gjë që përhap virusin te viktima të reja. Nxënësit po kthehen në tavolinat e tyre dhe siç e dinë prindërit, detyrat e shtëpisë nuk janë e vetmja gjë që fëmijët sjellin në shtëpi nga klasa, shkruan CNN.
