E arrestuar dy javë më parë, e dyshuara e moshuar është marrë në pyetje nga policia dhe “Shin Bet” në lidhje me planin për të shënjestruar kryeministrin izraelit me një pajisje shpërthyese
Policia izraelite ka arrestuar një grua të moshuar dy javë më parë me dyshimin se po komplotonte për të sulmuar kryeministrin Benjamin Netanyahu me një pajisje shpërthyese, raportoi sot transmetuesi publik i Izraelit KAN, transmeton Anadolu.
Sipas lajmit, e dyshuara, banore e Izraelit qendror, ka qenë e përfshirë në një komplot për të kryer një sulm me bombë ndaj kryeministrit.
Ajo është marrë në pyetje nga policia izraelite dhe agjencia e sigurisë së brendshme “Shin Bet” përpara se të lirohej me një urdhër për të qëndruar larg zyrës së kryeministrit dhe ndërtesave të tjera qeveritare, tha KAN.
Detajet e rastit janë mbajtur të fshehta. E dyshuara pritet të akuzohet zyrtarisht për “vepra penale dhe të lidhura me terrorizmin” të enjten.
