Në fjalimet e mbajtura me këtë rast u theksua se Gjenocidi i Srebrenicës nuk do të lejohet të harrohet.
Një marshim dhe ceremoni përkujtimore u mbajtën në qytetin e Prizrenit për të përkujtuar 30-vjetorin e Gjenocidit të Srebrenicës, të kryer më 11 korrik të vitit 1995, raporton Anadolu.
Në këtë aktivitet, të organizuar nga shoqata “Sharski Behar”, morën pjesë kryetari i Partisë Demokratike Turke të Kosovës (KDTP) dhe ministri i Zhvillimit Rajonal, Fikrim Damka; Konsulli i Përgjithshëm i Turqisë në Prizren, Celal Doğan; kryetari i Komunës së Prizrenit, Shaqir Totaj; deputetja e KDTP-së Fidan Brina Jılta; shefi i Delegacionit Përfaqësues të Ushtrisë Turke në Kosovë (KFOR-i Turk), Kolonel Harun Elitaş; si dhe përfaqësues të institucioneve të ndryshme dhe qytetarë të Prizrenit.
Pjesëmarrësit u mblodhën në sheshin historik Shatërvan të Prizrenit. Duke mbajtur një banderolë që shkruante “Nuk do ta harrojmë Srebrenicën” në gjuhë të ndryshme, pjesëmarrësit marshuan përsëri në shesh.
Në fjalimet e mbajtura me këtë rast u theksua se Gjenocidi i Srebrenicës nuk do të lejohet të harrohet.
Në fjalimin e tij, ministri Damka theksoi se bota, e cila heshtte për gjenocidin në Srebrenicë, po hesht edhe sot për myslimanët e masakruar në Gaza.
Si pjesë e programit u bënë lutje për dëshmorët.
