Izraeli po vazhdon sulmet ndaj Iranit. Pas goditjes në qytetin Tabriz, është raportuar edhe një shpërthim i madh në qytetin Hamedan. Sipas mediave iraniane, në sulme janë vrarë 78 persona, ndërsa 329 të tjerë janë plagosur.
Pas Gazës, Izraeli ka zhvendosur vëmendjen drejt Iranit.
Që nga nata e kaluar, Izraeli ka goditur shumë pika të rëndësishme ushtarake në Iran dhe ka vrarë 20 komandantë.
Në orët e fundit, Izraeli ka goditur gjithashtu zonën pranë aeroportit të qytetit Tabriz.
Shpërthim i fuqishëm në Hamedan
Raportime nga terreni tregojnë se re të dendura tymi janë ngritur nga zona e sulmuar.
Në mesditë, është raportuar për një shpërthim të madh edhe në qytetin Hamedan.
Mediat iraniane: 78 të vdekur
Agjencia gjysmëzyrtare iraniane Fars njoftoi se në sulmet e Izraelit ndaj Iranit kanë humbur jetën 78 persona, ndërsa 329 janë plagosur.
