Në Beograd dhe Novi Sad që nga mëngjesi i sotëm janë vendosur bilborde me mesazh urimi për ditëlindjen e Aleksandër Lukashenkos, liderit afatgjatë dhe autoritar të Bjellorusisë.
Sipas mediave serbe, pas kësaj aksioni qëndron lëvizja e djathtë konservatore “Naši”, përfaqësuesi i së cilës, Ivan Ivanoviç, është nënshkrues i mesazhit.
Në posterë shkruhet: “Gëzuar ditëlindjen president Lukaçenko! Serbia të do!”. Ky nuk është hera e parë që ky grup organizon aksione të tilla – në shkurt të vitit 2024 Beogradi ishte mbushur me mesazhe mbështetjeje për presidentin bjellorus.
Aleksandër Lukaçenko në dhjetor të vitit 2019 ishte për vizitë zyrtare në Beograd, ku iu bë një pritje solemne para Pallatit “Serbia”.
Me atë rast, presidenti i Serbisë, Aleksandar Vučić, theksoi se marrëdhëniet mes dy vendeve janë miqësore dhe se Serbia gjithmonë ka pasur mbështetjen e Bjellorusisë në çështjet ndërkombëtare./Gazeta e Re
