Në pamjet e publikuara të enjten në rrjetet sociale, Ben-Gvir shihet duke hyrë në qelinë ku ndodhet Barghouti dhe duke e kërcënuar:
“Ju nuk do të fitoni. Kushdo që ngatërrohet me popullin e Izraelit, kushdo që vret fëmijët dhe gratë tona – ne do t’i shkatërrojmë. Duhet ta dini këtë, kjo ka ndodhur gjatë gjithë historisë.”
Ky është regjistrimi i parë i Barghoutit nga burgu pas më shumë se 10 vitesh. Në video, ai duket dukshëm i dobësuar dhe i rraskapitur. Familja e tij thotë se që nga 7 tetori 2023 është mbajtur në izolim dhe se është rrahur disa herë brutalisht nga rojat e burgut.
Gjatë vizitës, pranë Ben-Gvir qëndronte edhe drejtori i Shërbimit të Burgjeve të Izraelit, Kobi Yaakobi, aleat i ngushtë i ministrit, i akuzuar se ka njoftuar në mënyrë të paligjshme një oficer të lartë se ishte nën hetim për fshehjen e dhunës së kolonëve në Bregun Perëndimor.
Barghouti ndodhet në burg që nga viti 2002 dhe është dënuar me pesë dënime të përjetshme plus 40 vite shtesë, për rolin e tij në planifikimin e sulmeve që shkaktuan vdekjen e pesë civilëve gjatë Intifadës së Dytë.
Autoriteti Palestinez reagoi ashpër, duke deklaruar se videoja përbën kulmin e terrorizmit psikologjik, moral dhe fizik që Izraeli ushtron ndaj të burgosurve palestinezë:
“Kjo është një përshkallëzim i paparë i politikës së okupimit kundër të burgosurve palestinezë dhe kërkon ndërhyrje urgjente nga organizatat dhe institucionet ndërkombëtare për t’i mbrojtur ata.”
https://x.com/PalPrisonersA/status/1956074674493763745?ref_src=twsrc%5Etfw%7Ctwcamp%5Etweetembed%7Ctwterm%5E1956074674493763745%7Ctwgr%5Edfb1d4dc9f662512dc8b84ab889c66a962f91150%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fben-gvir-objavio-sramotan-snimak-usao-u-izraelski-zatvor-i-prijetio-palestincu-necete-pobijediti%2F250815013
