“Në fakt, nuk ka gjë të tillë si uria në Gaza”, tha ministri i ekstremit të djathtë Itamar Ben-Gvir
Ministri izraelit i Sigurisë Kombëtare i ekstremit të djathtë, Itamar Ben-Gvir, pretendoi se nuk ka “uri” në Gaza, ku dhjetëra njerëz, përfshirë fëmijë, vdesin çdo ditë nga kequshqyerja, transmeton Anadolu.
Në një postim nga llogaria e tij X, Ben-Gvir deklaroi se është pro urisë në Gaza. “Në fakt, nuk ka gjë të tillë si uria në Gaza”, u shpreh Ben-Gvir
Ai pohoi se nëse do të kishte zi buke në Gaza, të burgosurit izraelitë do të ishin liruar shumë kohë më parë.
Ben Gvir mbështeti përdorimin e urisë si armë duke thënë se: “Unë jam në favor të vuajtjes nga uria të Hamasit në Gaza”.
Ben-Gvir, i cili më parë ka mbështetur ndalimin e ndihmës humanitare që të hyjë në Rripin e Gazës dhe goditjen e kamionëve me ndihma, ka bërë thirrje që të shkaktohet zi buke në rajon duke parandaluar hyrjen e ndihmës në Gaza.
– Gaza po vdes nga “uria”
Rripi i Gazës, nën sulmet izraelie dhe një rrethim të rreptë që kufizon hyrjen e ndihmës humanitare, po përjeton një katastrofë humanitare, me uri të përhapur dhe mungesë uji, ilaçesh, furnizimesh mjekësore dhe materialesh higjienike.
Vdekjet nga uria, veçanërisht midis fëmijëve, po rriten në Rripin e Gazës.
Qarqet lokale dhe ndërkombëtare thonë se Izraeli përdor “urinë dhe etjen si armë”.
Ushtria izraelite, e cila ka shkatërruar 88 për qind të Gazës, duke rrënuar edhe infrastrukturën civile, shpesh synon palestinezët e zhvendosur me urdhër deportimi në zonat ku ata janë strehuar.
Ushtria izraelite, nga ana tjetër, po bombardon tendat dhe strehimoret civile të personave të zhvendosur me sulme të përditshme.
