“Izraeli po përpiqet të zbatojë strategjinë e tij të agresionit jo vetëm në Palestinë, por edhe në Liban, Siri dhe Iran”, tha Fidan në një takim të Këshillit të Sigurimit të OKB-së mbi situatën në Lindjen e Mesme.
Ministri i Jashtëm turk Hakan Fidan kritikoi ashpër Izraelin të mërkurën për ndjekjen e një strategjie agresive rajonale që kërcënon stabilitetin në Lindjen e Mesme, raporton Anadolu.
“Izraeli po përpiqet të zbatojë strategjinë e tij të agresionit jo vetëm në Palestinë, por edhe në Liban, Siri dhe Iran”, tha Fidan në një takim të Këshillit të Sigurimit të OKB-së mbi situatën në Lindjen e Mesme.
“Ka një model të qartë këtu. Nëse lihet i pakontrolluar, ky model rrezikon destabilizim më të gjerë. Kjo është pikërisht ajo që po ndodh në Siri. Agresioni izraelit po kërcënon paqen e brishtë për të cilën populli sirian pagoi çmim të lartë. Këto sulme po thellojnë vijat e ndarjes etnike në gjithë rajonin”, shtoi ai.
Duke theksuar se Izraeli nuk dëshiron paqe dhe stabilitet në rajon, Fidan i kërkoi Këshillit që “kolektivisht” të sigurohet që Siria të mos bjerë në një spirale dhune.
“Nuk ka asnjë parim të së drejtës ndërkombëtare humanitare që nuk shkelet nga Izraeli”, tha po ashtu ministri i jashtëm turk.
Fidan kritikoi mosveprimin e Këshillit të Sigurimit të OKB-së ndaj Gazës, duke thënë se ai jo vetëm që dështoi ndaj popullit të Gazës, por edhe ndaj dinjitetit njerëzor.
