Në programin e drejtpërdrejtë të televizionit izraelit Kanal 13, një grup gazetarësh izraelitë tallën me katastrofën humanitare dhe urinë në Rripin e Gazës, duke akuzuar Palestinezët se “luajnë skenën e urisë” dhe shfrytëzuar një sërë fyerjesh të tjera.
Sa shumë janë angazhuar mediat izraelite si pjesë e makinerisë propagandistike të ushtrisë dhe politikës izraelite, tregon më së miri shembulli i talljes së hapur me torturat, krimet dhe vuajtjet që po pëson popullsia civile në Gaza.
“Duhet ta them që, nga ato fotografi që kam parë, mendoj se ata (Palestinezët) madje duhet të humbin peshë,” tha gazetari izraelit Shimon Riklin.
Gazetari Tamir Morag shkoi edhe një hap më tej, duke thënë se në Rripin e Gazës po zbatohet “urje selektive, sipas së cilës fëmijët janë ekstremisht të uritur dhe të dobët, ndërsa prindërit janë mirë ushqyer”.
“A kemi ndonjë fotografi të një vajze me nënën që thuhet se ka vdekur nga uria? Shikoni nënën e saj, një grua e uritur nuk duket kështu,” tha një nga gazetarët në studio. “Jo, një grua që ha ushqimin e fëmijës së saj duket kështu; kjo është gruaja që do të hante fëmijën e vet,” shtoi dikush tjetër në studio.
Megjithë tonin e tyre të papërmbajtur në transmetim të drejtpërdrejtë, një nga gazetarët i paralajmëroi: “Por, njerëz, një fëmijë katërvjeçar vdiq.” Në këtë, një prej gazetareve në studio iu përgjigj se një fëmijë i moshës së njëjtë kishte vdekur edhe në një spital izraelit.
