– “Njohja do të bëhet gjatë Asamblesë së Përgjithshme të OKB-së”, thotë kryeministri maltez, Robert Abela.
Malta do ta njohë shtetin e Palestinës gjatë Asamblesë së Përgjithshme të OKB-së në shtator, njoftoi kryeministri i vendit, Robert Abela, transmeton Anadolu.
“Pozicioni i vendit tonë pasqyron angazhimin tonë për të gjetur një zgjidhje në favor të paqes së qëndrueshme në Lindjen e Mesme”, tha Abela në një postim në Facebook të martën në mbrëmje.
Njoftimi i Abelës erdhi vetëm disa orë pas një deklarate të ngjashme nga kryeministri i Mbretërisë së Bashkuar, Keir Starmer dhe disa ditë pasi Franca zbuloi planet e saj për njohje.
Abela fillimisht njoftoi planet për të njohur shtetin e Palestinës në maj, duke deklaruar se kjo do të ndodhte gjatë një konference të OKB-së mbi Palestinën në qershor, por megjithatë, konferenca më vonë u shty.
