Ish-presidenti amerikan Richard Nixon parashikoi një luftë në Ukrainë, për të cilën ai shkroi në vitin 1994 në një letër drejtuar presidentit të atëhershëm amerikan Bill Clinton, shkruan e përditshmja amerikane “Wall Street Journal”.
Një muaj para vdekjes së tij, në prill 1994, Nixon i shkroi një letër Klintonit në të cilën ai ofroi “këshilla të mençura, veçanërisht për Rusinë”.
Përmbajtja e letrës tani është deklasifikuar.
Në një letër shtatëfaqëshe të datës 21 mars 1994, Nixon vlerësoi situatën në Rusi dhe parashikoi se marrëdhëniet midis Moskës dhe Kievit do të përkeqësoheshin.
“Situata në Ukrainë është jashtëzakonisht shpërthyese. Nëse del jashtë kontrollit, situata në BiH do të duket si një festë kopshti,” paralajmëroi Nikson në letër.
Ish-presidenti amerikan e këshilloi Klintonin të forconte misionin diplomatik në Kiev dhe vuri në dukje një bisedë me një biznesmen amerikan, i cili tha se ambasada kishte mungesë të personelit dhe nuk menaxhohej siç duhet.
Nixon këshilloi gjithashtu Klintonin të zhvillonte marrëdhënie me pasardhësit e mundshëm të Boris Yeltsin si president rus.
Letra u shkrua pas kthimit të Nixon nga një vizitë dy-javore në Rusi dhe Ukrainë.
