Yevgeny Prigozhin, udhëheqësi i grupit ushtarak privat Wagner, akuzoi elitën ushtarake ruse për sulmimin e kampit ushtarak të Wagnerit dhe vrasjen masive të luftëtarëve të tij. Më pas, Komiteti Kombëtar Rus për Shtypjen e Terrorizmit filloi një procedim penal kundër Prigozhin për nxitje të një rebelimi të armatosur.
Sipas një raporti të agjencisë shtetërore ruse të lajmeve Tass, objektet kryesore në Moskë janë nën sigurinë e shtuar dhe masat e sigurisë në kryeqytet janë forcuar. Shërbimi rus i sigurisë FSB lëshoi një deklaratë duke u kërkuar mercenarëve të mos u binden urdhrave të liderit të tyre.
Gazetari i luftës i lidhur me Kremlinin, Andrey Rudyenko, postoi një video në Telegram, në të cilën gjenerali rus Sergei Surovikin u bën thirrje ushtarëve të Wagner që të dorëzojnë armët.
https://twitter.com/visegrad24/status/1672465741046530048?ref_src=twsrc%5Etfw%7Ctwcamp%5Etweetembed%7Ctwterm%5E1672465741046530048%7Ctwgr%5Eecc104ba30d670deeb86590fc1ab94c8e68001a2%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fpotpuni-haos-u-rusiji-wagnerovci-oborili-helikopter-ruske-armije-preuzeli-kontrolu-nad-rostovom%2F230624003
“Armiku vetëm pret që situata politike në vendin tonë të përkeqësohet. Në këto kohë të vështira është gabim të luash në dorën e armikut”, tha Surovkikin duke mbajtur një pushkë në këmbë.
Prigozhin njoftoi në një mesazh audio në Telegram këtë mëngjes se forcat e tij rrëzuan një helikopter ushtarak rus.
“Kur helikopteri hapi zjarr mbi kolonën e civilëve, ai u qëllua nga njësitë e Wagner”, tha Prigozhin.
https://twitter.com/PopularFront_/status/1672455059647365122?ref_src=twsrc%5Etfw%7Ctwcamp%5Etweetembed%7Ctwterm%5E1672455059647365122%7Ctwgr%5Eecc104ba30d670deeb86590fc1ab94c8e68001a2%7Ctwcon%5Es1_&ref_url=https%3A%2F%2Fwww.klix.ba%2Fvijesti%2Fsvijet%2Fpotpuni-haos-u-rusiji-wagnerovci-oborili-helikopter-ruske-armije-preuzeli-kontrolu-nad-rostovom%2F230624003
Kryebashkiaku i Moskës njoftoi se po merren masa kundër terrorizmit për të forcuar sigurinë në kryeqytetin e Rusisë. Sergej Sobyanin tha se qyteti po fut gjithashtu kontrolle shtesë në rrugë.
Sipas Prigozhin, forcat e Wagner morën kontrollin e vendndodhjeve ushtarake në Rostov-on-Don.
Shefi i Wagner thotë gjithashtu në videon, e cila u postua në Telegram, se ai dhe njerëzit e tij ndodhen në selinë ushtarake të distriktit jugor në Rostov-on-Don.
