Ministri i Jashtëm izraelit Israel Katz refuzoi një kërkesë të ministrit të Jashtëm norvegjez Espen Barth Eide për të vizituar Izraelin për shkak të njohjes së Palestinës nga Oslo si shtet.
Si arsye të tjera për një vendim të tillë, ai përmendi refuzimin e Norvegjisë për të shpallur Hamasin një organizatë terroriste dhe mbështetjen për pretendimin e Afrikës së Jugut kundër Izraelit për gjenocid para Gjykatës Ndërkombëtare të Drejtësisë në Hagë.
Kreu i diplomacisë izraelite tha se homologu i tij norvegjez ka kërkuar të vizitojë Izraelin disa herë që nga maji, kur Norvegjia, Spanja dhe Irlanda koordinuan njohjen e Palestinës.
Eidea iu afrua ministrit izraelit në samitin e fundit të NATO-s në Uashington dhe i tha: “Ne kemi shumë për të folur”.
Sipas zyrës së Katz-it, ai u përgjigj: “Edhe ti ke bërë shumë për ne”.
