Ushtria izraelite ka kërcënuar me sulm, duke kërkuar “evakuim të menjëhershëm” të Aeroportit Ndërkombëtar Sana në Jemen
Ushtria izraelite ka kërcënuar me sulm duke kërkuar “evakuim të menjëhershëm” të Aeroportit Ndërkombëtar Sana në Jemen, transmeton Anadolu.
Zëdhënësi i ushtrisë Avichay Adraee në një deklaratë nga llogaria X, ndau një hartë në të cilën aeroporti është përfshirë brenda zonës së kuqe.
“Paralajmërim urgjent për të gjithë në zonën e Aeroportit Ndërkombëtar Sana”, tha Adraee në deklaratën e tij, duke bërë thirrje për evakuim të menjëhershëm të zonës dhe rrethinës së saj.
Adraee kërcënoi me sulm duke deklaruar se mosevakuimi do të përbëjë rrezik për ata që ndodhen në zonë.
Mediat lokale raportuan se kryeministri Benjamin Netanyahu, për të cilin thuhet se po ndiqte sulmet e ushtrisë izraelite në Jemen, u transmetua se ai u largua herët nga gjykata në të cilën po kryente mbrojtje kundër akuzave ndaj tij për korrupsion, për të ndjekur sulmin në aeroportin e Sana.
– Ushtria izraelite kreu sulme ajrore në Jemen
Ushtria izraelite nisi sulme ajrore në Jemen mbrëmë pasi një raketë e lëshuar nga rebelët Huthi goditi aeroportin Ben Gurion në Tel Aviv.
Në një deklaratë të bërë nga ushtria izraelite u njoftua se sulmet u kryen përgjatë vijës bregdetare të Jemenit dhe se u shënjestrua Porti Al-Hudaydah.
U pretendua se zona është përdorur për transferimin e armëve dhe pajisjeve ushtarake iraniane.
Gjithashtu u transmetua se një fabrikë betoni u vendos në shënjestër si dhe u pranua që kjo u bë me shqetësimin për të shkaktuar dëme ekonomike.
U bë e ditur se në sulm u përdorën afërsisht 20 avionë luftarakë dhe 50 bomba.
