Izraeli dhe Hamasi arritën një marrëveshje lidhur me pengjet. Kryeministri izraelit Benjamin Netanyahu tha se pengjet do të lirohen gradualisht.
Sulmet e Izraelit në Rripin e Gazës kanë vazhduar me dhunë prej javësh.
Sipas të dhënave të fundit zyrtare, numri i personave që humbën jetën në sulmet e kryera nga ushtria izraelite në Rripin e Gazës që prej 7 tetorit ishte 14 mijë e 128, mes të cilëve 5 mijë e 840 fëmijë dhe 3 mijë e 920 gra.
Sipas Izraelit, Hamasi mban 239 të burgosur izraelitë.
Miratimi për shkëmbimin e pengjeve
Qeveria Netanyahu ka miratuar shkëmbimin e pritur të pengjeve midis Izraelit dhe Hamasit.
Televizioni shtetëror izraelit njoftoi se ushtria izraelite pranoi marrëveshjen e pengjeve me Hamasin dhe miratoi një armëpushim për të riorganizuar forcat e saj në përgatitje për operacionet në Gazën jugore.
Netanyahu: Pengët do të lirohen në faza
Presidenti izraelit Benjamin Netanyahu tha: “Qeveria izraelite u përball me një vendim të vështirë sot, por mori vendimin e duhur. Pengët do të lirohen në faza. Marrëveshja e diskutuar përfshin gjithashtu arritjen e Kryqit të Kuq për pengjet që mbeten në duart e Hamasit dhe sigurimin mbështetjen e nevojshme mjekësore”.
