Në Lviv sot u vra ish-shefi i Këshillit për Siguri Kombëtare dhe Mbrojtje të Ukrainës dhe ish-kryetar i parlamentit (Rada e Lartë), Andri Parubi.
Sipas informacioneve të disponueshme, të shtënat ndodhën në rrethin Sihiv. Parubi u qëllua me pesë plumba dhe vdiq në vendngjarje.
“I hetimet janë në vazhdim dhe autoritetet po përdorin të gjitha burimet për të gjetur autorin,” deklaroi presidenti i Ukrainës Volodymyr Zelensky, duke i shprehur ngushëllimet familjes dhe të afërmve të tij.
Sipas mediave ukrainase, sulmuesi iu afrua Parubit, hapi zjarr dhe më pas iku me biçikletë.
Parubi ka qenë deputet që nga viti 2007, ndërsa në periudhën 2016–2019 mbajti detyrën e kryetarit të parlamentit ukrainas.
Ai lindi në vitin 1971 në rajonin e Lvivit, ku diplomoi për histori në Universitetin Ivan Franko, dhe më vonë përfundoi edhe studimet pasuniversitare në shkencat politike dhe sociologji.
Roli i tij si sekretar i Këshillit për Siguri Kombëtare dhe Mbrojtje në fillimet e agresionit të Moskës e bëri atë shpesh objektiv të propagandës dhe dezinformatave ruse.
Që nga viti 2019, Parubi ishte anëtar i partisë Solidariteti Evropian.
