Pas dëbimit me dhunë nga shtëpia në qytetin Unterkirnach, i cili ndodhet në shtetin federal gjerman të Baden Württemberg, policia kontrolloi shtëpinë e ish-ushtarit dhe gjeti eksplozivë, granata dhe armë të tjera.
Kërkimi u krye tre ditë pas dëbimit dhe përveç sa më sipër u gjetën pushkë, pistoleta dhe 10 mijë copë municione. Ish-ushtari është një 62-vjeçar, i cili u barrikadua në shtëpinë e tij më 23 janar, duke i rezistuar dëbimit.
Policia speciale arriti ta mposhtte dhe ta arrestonte. Ai është në paraburgim dhe kishte vetëm patentë për disa armë.
Policia tha se kontrolli i shtëpisë ishte jashtëzakonisht i vështirë. Ai derdhi 80 litra benzinë në të gjithë shtëpinë, kështu që një qëndrim më i gjatë në të ishte i mundur vetëm me përdorimin e një maskë mbrojtëse. Në dysheme dhe korniza të dyerve kishte mjete për ndezjen e zjarrit gjatë hyrjes në shtëpi.
Dëbimi dhe kontrolli pasuan vendimin e gjykatës për dëbimin me forcë. Fqinjët e ish-ushtarit u evakuuan përkohësisht gjatë dëbimit dhe shtëpia e tij ishte nën rrethimin e policisë. Pasi u bind të largohej nga shtëpia, ai u arrestua, transmeton taggesschau.
