Gazetari izraelit Zvi Yehezkeli ka përshëndetur vrasjen e gazetarëve palestinezë nga ushtria izraelite në sulmin e dyfishtë ndaj spitalit Nasser në Khan Younis.
Korrespondenti për çështjet arabe i kanalit i24 News foli gjatë një emisioni të hënën, të cilin kanali më pas e shpërndau edhe në rrjetin social X.
“Këta janë njerëz të Nukhba-s në çdo kuptim,” tha Yehezkeli, duke i krahasuar gazetarët e vrarë me pjesëtarët e njësisë elitare të Hamasit.
Yehezkeli, kolon i vendosur në Bregun Perëndimor të pushtuar, tha se gazetarët kishin ndihmuar në dëmtimin e imazhit të Izraelit duke shpërndarë pamje të urisë së imponuar mbi palestinezët në territorin e rrethuar.
“Ata vazhduan trashëgiminë e Yahya Sinwar-it përmes asaj që ju e quani gazetari,” shtoi ai, duke iu referuar udhëheqësit të vrarë të Hamasit.
“Sapo mendoni për dëmin që këta gazetarë… ju i quani gazetarë Nukhba, por shihni sa shumë i kanë bërë dëm Izraelit. Nëse Izraeli vendos të eliminojë gazetarët, atëherë më mirë tani se kurrë,” tha Yehezkeli në një paraqitje të turpshme.
Stotine gazetarësh të vrarë duke raportuar për gjenocidin
Ushtria izraelite vrau gazetarët e Middle East Eye, Mohamed Salama dhe Ahmed Abu Aziz, në sulmin e dyfishtë të së hënës.
Forcat izraelite bombarduan katin e katërt të spitalit Nasser rreth orës 11:00 me orën lokale, dhe pak çaste më vonë qëlluan qëllimisht një raketë të dytë mbi gazetarët, kalimtarët dhe ekipet e shpëtimit që po përpiqeshin të ndihmonin të plagosurit.
Mes 20 palestinezëve të vrarë në këtë sulm ishin të paktën tre gazetarë:
-
Mariam Dagga, gazetare e lirë që bashkëpunonte me disa media, përfshirë Associated Press,
-
Hussam al-Masri, fotoreporter i Reuters,
-
dhe gazetari i pavarur Moaz Abu Taha.
Ndërkohë që komunikimet izraelite në gjuhën angleze e paraqitën ngjarjen si një “gabim”, kanali shtetëror Channel 14 raportoi se sulmi ishte miratuar dhe koordinuar nga komandantë të lartë ushtarakë.
Deri më tani, të paktën 245 gazetarë palestinezë janë vrarë në gjenocidin e vazhdueshëm të Izraelit në Gaza.
