Kryebashkiaku i Marsejës Benoit Payan i kërkoi qeverisë të dërgojë përforcime shtesë të trupave
Franca dërgoi automjete të blinduara në rrugë të premten pasi autoritetet nuk arritën të frenonin demonstratat të cilat hynë në natën e katërt radhazi pasi nisën për shkak të vrasjes së një adoleshenti nga policia, raporton Anadolu.
Mjetet e blinduara u vendosën në sheshe në rajone dhe qytete, duke përfshirë qytetin e dytë më të madh, Marsejën, në komunën Woippy më pak se 20 milje nga kufiri i Luksemburgut, si dhe në komunitetin e Nanterres në periferinë veriperëndimore të Parisit.
Në Toulouse, policia arrestoi 19 persona për shkak të dhunës, pasi një pallati iu vu flaka.
Kryebashkiaku i Marsejës Benoit Payan i kërkoi qeverisë të dërgojë përforcime shtesë të trupave. “Skenat e plaçkitjeve dhe dhunës janë të papranueshme”, tha ai.
Ministri i Brendshëm Gerald Darmanin tha se 270 persona janë arrestuar, më shumë se 80 prej tyre në Marsejë.
Një 19-vjeçar vdiq të premten pasi u rrëzua nga çatia e një supermarketi rreth orës 5:00 të mëngjesit me orën lokale në Francën veriperëndimore gjatë protestave, raportoi gazeta France Bleu Normandie.
Franca është përfshirë nga një valë protestash të dhunshme që kur një oficer policie qëlloi për vdekje Nahel M., 17 vjeç, në periferinë e Parisit Nanterre, më 27 qershor.
