Pas sulmit të Izraelit ndaj Iranit dhe tensioneve të rritura në rajon, mediat greke kanë komentuar zhvillimet duke bërë deklarata fyese dhe provokuese ndaj Turqisë. Portali grek Geopolitico reagoi ndaj një artikulli të publikuar në gazetën turke Milli Gazete, e cila rikujtoi një deklaratë profetike të liderit të ndjerë islamist Necmettin Erbakan:
“Do të sulmojnë së pari Sirinë, pastaj Iranin, por dijeni se synimi i vërtetë do të jetë Turqia.”
Bahçeli dhe paralajmërimi: “Synimi i fundit është Turqia”
Pas shkëmbimeve të rënda ushtarake mes Izraelit dhe Iranit, edhe kryetari i MHP-së Devlet Bahçeli reagoi me ashpërsi duke thënë se qëllimi përfundimtar është Turqia. Ai paralajmëroi se sulmet ndaj Iranit mund të shërbejnë si një hap drejt destabilizimit të mëtejshëm të rajonit, përfshirë Turqinë.
Erbakan: “Do të luftojnë me Iranin dhe më pas do të sulmojnë Turqinë”
Milli Gazete në faqen e parë të botimit të sotëm theksoi fjalët e Erbakanit të ndjerë, i cili në një nga fjalimet e tij kishte paralajmëruar:
“Do të sulmojnë Sirinë që të mund të kenë kufi me Izraelin. Pastaj do të luftojnë me Iranin. Dhe më pas do të na thonë: ‘Bashkohuni me ne’. Disa do të bashkohen me Izraelin kundër Iranit. Dhe kështu, bota islame do të shkatërrohet. Pastaj, do të jetë radha e Turqisë. Do të zbatojnë Sevri-n, do të marrin Juglindjen dhe do t’ia bashkojnë Izraelit. Do të sjellin armenët, do të kthejnë Pontusin…”
Skandal nga mediat greke: “Turqit kanë frikë”
Deklaratat e Erbakanit të ndjerit u raportuan me tone ironike dhe provokuese nga gazeta greke Geopolitico. Artikulli, i shoqëruar me foto të Presidentit Erdoğan dhe Erbakanit, mbante titullin:
“Prandaj turqit po dridhen nga zemërimi i Izraelit – Parashikimi i ‘mësuesit shpirtëror’ të Erdoganit që shqetëson Ankaranë.”
Gazeta pretendon se shumë qytetarë turq besojnë se Izraeli do ta ketë Turqinë si objektiv pas Iranit dhe se “kjo frikë ka krijuar pasiguri psikologjike te turqit”.
Në vazhdim, artikulli vazhdon me tone fyese duke thënë:
“Turqit, kur ndjejnë kërcënim pranë vetes, përjetojnë probleme psikologjike. Ata vetëm nga sulmet marrin vesh.”
Këto komente skandaloze kanë nxitur zemërim në rrjetet sociale dhe janë dënuar si gjuhë urrejtjeje dhe provokim ndërkombëtar.
