Në një deklaratë të djeshme, Hamasi konfirmoi vdekjen e Mohammad Sinwarit, vëllait të udhëheqësit të organizatës Yahya Sinwar, gjatë një sulmi të ushtrisë izraelite në maj në pjesën qendrore të Rripit të Gazës.
Mohammad Sinwar ishte vëllai më i vogël i Yahya Sinwarit, i cili drejton Hamasin që nga fillimi i luftës me Izraelin, e cila kulmoi me sulmin e 7 tetorit 2023.
Nga Hamasi nuk u dhanë detaje mbi rrethanat e vrasjes së Mohammed Sinwarit, por fotografia e tij u publikua bashkë me konfirmimin e vdekjes.
Sipas të dhënave të IDF-së, Sinwar u vra në mesin e majit gjatë një sulmi të përbashkët të forcave izraelite dhe Shin Bet-it mbi një kompleks të nëndheshëm komandimi dhe kontrolli.
Pas vrasjes së Mohammed Sinwarit, mediat izraelite spekulojnë se i vetmi komandant i mbetur i Hamasit është Izz al-Din al-Haddad. Thuhet se ai ndodhet ende në Rripin e Gazës, në pjesën veriore, nga ku komandon dhe mbikëqyr të gjitha operacionet e Hamasit.
Vdekja e konfirmuar e Mohammed Sinwarit e ka lënë Izz al-Din al-Haddad-in, bashkëpunëtorin e tij të ngushtë, i cili aktualisht mbikëqyr operacionet në Gazën Veriore, në krye të krahut të armatosur të Hamasit në të gjithë enklavën.
