“Mezi pres të marr pjesë personalisht vitin e ardhshëm, si dhe të diskutojmë mundësitë e mëtejshme për investime në Turqi”, thotë Musk në X.
CEO i Tesla dhe SpaceX, Elon Musk tha të Premten se ai do të marrë pjesë në ngjarjen më të madhe të teknologjisë dhe aviacionit në Türkiye, TEKNOFEST vitin e ardhshëm.
Duke falënderuar presidentin turk Rexhep Tajip Erdogan për ftesën, Elon Musk tha në X: “Mezi pres të marr pjesë personalisht vitin e ardhshëm, si dhe të diskutojmë mundësitë e mëtejshme për investime në Turqi.”
“Urime të gjitha skuadrat që garojnë në @Teknofest”, ka shkruar Musk, duke shpërndarë një video të ngjarjes.
Erdogan javën e kaluar u takua me Musk në Shtëpinë Turke, e quajtur gjithashtu Qendra Turkevi, në Nju Jork në margjinat e sesionit të 78-të të Asamblesë së Përgjithshme të OKB-së, duke e ftuar atë të merrte pjesë në TEKNOFEST në Turqi dhe duke i kërkuar që të ngrinte fabrikën e shtatë të Teslës atje.
Edicioni i tretë i TEKNOFEST 2023 filloi të mërkurën në provincën Egje të Izmirit të Turqisë. Festivali pesë-ditor në aeroportin Cigli përfshin konkurse, shfaqje ajrore, ekspozita dhe seminare.
Ngjarja është mbajtur më parë në qytete të ndryshme turke në vite çift dhe në metropolin e Stambollit në vite tek. Për të shënuar 100 vjetorin e themelimit të Republikës së Turqisë, ngjarja ishte planifikuar në tre provinca të ndryshme këtë vit.
Edicioni i parë i veprimtarisë këtë vit u mbajt në aeroportin Ataturk të Stambollit në maj, duke mirëpritur një rekord botëror prej 2.2 milionë vizitorësh. E dyta u mbajt nga 30 gushti deri më 3 shtator në kryeqytetin Ankara, duke tërhequr rreth 1 milion njerëz.
Anadolu ka qenë ndër aksionerët mediatikë të TEKNOFEST si një partner global i komunikimit të ngjarjes që nga edicioni i parë.
