Futbollisti kosovar Edon Zhegrova (26) ka marrë sot shtetësinë shqiptare, gjë që së shpejti mund t’i mundësojë kalimin në Juventus.
Futbollisti më i mirë i Kosovës publikisht i është falënderuar kryeministrit të Shqipërisë Edi Rama, i cili me dekret i mundësoi marrjen e shtetësisë shqiptare, çka për Zhegrovën pritet të sigurojë një transferim më të lehtë nga Lille te Juventus.
Sipas rregullores së Federatës Italiane të Futbollit, futbollistët me pasaportë shqiptare nuk llogariten si lojtarë jashtë Bashkimit Evropian dhe si “të huaj”, prandaj Juventusi tani mund të vendosë përfundimisht për transferimin.
Në Instagram, futbollisti i Lille shkroi: “Jam krenar që jam shqiptar”, duke shtuar edhe flamurin shqiptar dhe shqiponjën, ndërsa falënderoi kryeministrin e Shqipërisë Edi Rama, i cili është tifoz i madh i Juventusit.
Zhegrova deri tani në karrierë ka luajtur për Genk, Basel dhe Lille (që nga viti 2022), por tashmë ka ardhur koha të largohet nga klubi francez dhe të kalojë te Juventusi, me të cilin është lidhur intensivisht javëve të fundit.
Në fanellën e përfaqësueses së Kosovës, anësori ka zhvilluar 42 ndeshje dhe ka shënuar pesë gola.
