Presidenti i SHBA-së, Donald Trump, pati një gaf të madh gjatë përgjigjes ndaj gazetarëve në Shtëpinë e Bardhë, ku tha se e “surprizoi emërimi” i një personi që e kishte emëruar vetë në detyrë gjatë mandatit të tij të parë.
Gazetarët e pyetën Trumpin për statusin e presidentit të Rezervës Federale amerikane, Jerome Powell, të cilin ai e kishte kritikuar më parë.
“Jam i befasuar që ai u emërua fare,” tha Trump, duke shtuar disa fjalë të ashpra për Powellin.
Megjithatë, Presidenti amerikan duket se kishte harruar që Powell u emërua me propozimin e tij në 2018 dhe u konfirmua nga Senati i Kongresit amerikan.
Ai u përpoq t’u dilte “shtëpisë” duke thënë se e surprizoi “riemërimi” i tij, duke iu referuar faktit që në 2022 ish-presidenti Joe Biden e propozoi sërish për këtë pozicion dhe Senati e konfirmoi përsëri.
Kështu, Trump lidhi dy ditë me gafet serioze, sepse ditën e mëparshme në Pittsburgh sugjeroi se xhaxhai i tij, John Trump, ishte profesor i Ted Kaczynskit, terroristit që u arrestua në 1996 për dërgimin e bombave përmes postës në universitete dhe institucione shtetërore.
Presidenti amerikan tha se e kishte pyetur xhaxhain se si ishte Kaczynski si student, pavarësisht se ai nuk ishte ndjekës i universitetit ku jepte leksione John Trump.
