Presidenti i Shteteve të Bashkuara, Donald Trump, pa dyshim ishte një nga yjet më të mëdhenj të Kampionatit Botëror të Klubeve, dhe tani me deklaratën e tij të re është rikthyer sërish në qendër të vëmendjes së medias sportive. Pas fitores së Çelsit ndaj PSG-së në finalen me rezultat 3:0 dhe titullit të kampionit të botës, Trampi ua “vodhi shfaqjen” në ceremoninë e dorëzimit të trofeut, sepse refuzoi të zbriste nga podiumi dhe festoi bashkë me lojtarët e ekipit londinez.
Kapiteni i Çelsit, Risë Xheims, e shikoi me habi ndërsa Trampi ngriti trofeun e fituesit, dhe vetëm tani është zhgënjyer pasi ka mësuar se ai trofe që ngriti — ishte një kopje.
Në fakt, Trampi ka pranuar se ka mbajtur origjinalin e trofeut të Kampionatit Botëror të Klubeve në Zyrën Ovale të Shtëpisë së Bardhë, kur presidenti i FIFA-s, Xhani Infantino, e solli atje në mars.
Infantino atëherë ia prezantoi trofeun Trampit, dhe në fund doli se Çelsi mori vetëm një kopje.
Trampi, në një intervistë për DAZN, zbulojë se Infantino në mars e kishte lënë trofeun në Shtëpinë e Bardhë, dhe kur e pyeti më vonë se kur do të vinte për ta marrë prapa, mori përgjigjen: “Kurrë nuk do ta marrim. Mund të mbetet përgjithmonë në Zyrën Ovale. Ne po bëjmë një tjetër”.
“Me të vërtetë bënë një tjetër. Ishte emocionuese, dhe tani është këtu, në Zyrën Ovale,” tha Trampi.
Trofeu është dizajnuar nga shtëpia e bizhuterive Tiffany & Co. dhe vlerësohet rreth 230,000 dollarë.
