Të krishterët që po kryenin meshën në Kishën Katolike në Rripin e Gazës, përjetuan shqetësim të madh për shkak të bombardimit që Izraeli kreu në afërsi të kishës
Të krishterët që po kryenin meshën në Kishën Katolike në Rripin e Gazës, përjetuan shqetësim të madh për shkak të bombardimit që Izraeli kreu në afërsi të kishës, transmeton Anadolu.
Prifti palestinez Mitri Raheb ndau nga llogaria e tij në platformën sociale X pamje të marra gjatë bombardimit që Izraeli kreu të martën përreth kishës katolike në Gaza.
Në pamjen lidhur me momentin e bombardimit, vërehet frika që përjetuan besimtarët e krishterë gjatë meshës në kishën në Gaza, fluturimin e librave nga dritarja nga presioni i shpërthimit si dhe shkulja nga vendi i disa tabelave.
Gjithashtu në pamje vërehen fëmijët që përqafojnë nënat e tyre me frikë, dëgjohen britmat e të pranishmëve në kishë dhe fjalët “qëndroni brenda” “qëndroni të qetë” që disa gra i shprehin për të qetësuar njerëzit si dhe fjalët e personit që ka kapur pamjet që thotë “Siç edhe e shikuat shpërthimi ishte shumë i fuqishëm”.
Prifti Raheb në postimin e tij shkroi: “Teksa sulmi ajror izraelit hodhi në ajër objektin menjëherë pranë Kishës Katolike në Gaza ata po luteshin me fjalët ‘Shën Mëri lutu për ne mëkatarët tani dhe në momentin e vdekjes tonë'”.
Sipas informacioneve të marra nga rajoni, kompleksi i kishës dhe jetimores strehon rreth 700 banorë të Gazës të cilëve u janë shembur shtëpitë dhe që kërkojnë vend të sigurt për shkak të sulmeve izraelite.
