Fenerbahçe, që kërkon të nisë sezonin e ri nën drejtimin e Jose Mourinhos me yje botërorë, ka ndërmarrë hapa konkretë për një transferim që do të tronditë opinionin sportiv: Neymar. Klubi ka nisur kontakte zyrtare me Santosin, ku ylli brazilian është nën kontratë.
Neymar dëshiron rikthimin në Europë
32-vjeçari ka një klauzolë në kontratë që i mundëson transferimin falas në verë te një klub europian. Duke synuar rikthimin në Kombëtaren e Brazilit për Kupën e Botës 2026, Neymar kërkon një ekip europian ku të rigjejë formën.
Fenerbahçe ofron kontratë bujare
Sipas gazetarit britanik Chris Antony, Fenerbahçe po garon me Aston Villën dhe Marsejën për shërbimet e Neymarit. Ndërkohë që Santos i ka ofruar rinovim, lojtari është i prirur drejt largimit. Fenerbahçe i ka ofruar një kontratë 1+1 vjeçare me pagesë të lartë.
Statistikat e Neymar në sezonin 2024–25
Në një sezon të shoqëruar nga dëmtimet, Neymar luajti vetëm 14 ndeshje zyrtare, me 3 gola dhe 3 asistime. Vendimi përfundimtar për transferimin e tij pritet së shpejti.
