– “Situata është ende shumë, shumë e keqe në Gaza. Pra, për sa kohë që nuk është përmirësuar vërtet, atëherë nuk kemi bërë të gjithë mjaftueshëm”, tha Kallas në deklaratën e saj në Bruksel
Përfaqësuesja e Lartë e Bashkimit Evropian (BE) për Punët e Jashtme dhe Politikën e Sigurisë, Kaja Kallas, paralajmëroi se nëse situata në Gaza ende nuk përmirësohet, kjo do të thotë se nuk kanë bërë të gjithë mjaftueshëm, transmeton Anadolu.
“Situata është ende shumë, shumë e keqe në Gaza. Pra, për sa kohë që nuk përmirësohet vërtet, atëherë nuk kemi bërë të gjithë mjaftueshëm”, tha Kallas në deklaratën e saj përpara takimit të Këshillit të Punëve të Jashtme në Bruksel.
Duke treguar situatën “katastrofike” në terren, ajo theksoi se mungesa e armëpushimit e bën më të vështirë ofrimin e ndihmës humanitare.
“Ne kemi arritur një mirëkuptim të përbashkët me Izraelin për të përmirësuar vërtet situatën në terren. Por nuk ka të bëjë me dokumentin, por në të vërtetë me zbatimin e dokumentit. Pra, ne shohim disa shenja pozitive”, shtoi ajo.
Kallas shprehu shpresë në arritjen e marrëveshjes politike mbi paketën e 18-të të sanksioneve kundër Rusisë të martën ose të mërkurën, duke nënvizuar se është “shumë afër”.
“Pastaj do të diskutojmë edhe për Iranin. Sigurisht, është në interesin tonë që të rifillojmë negociatat diplomatike”, shtoi ajo më tej.
