Ministria e Arsimit, Shkencës, Teknologjisë dhe Inovacionit (MAShTI), ka njoftuar maturantët se nga nesër 27.05.2025, do të filloj afati për aplikim për Provimin e Maturës.
Aplikimi do të bëhet përmes platformës E-Kosova dhe do të zgjasë deri më 10.06.2025.
MAShTI njofton se aprovimi i aplikimeve nga koordinatorët e shkollave do të bëhet nga 01.06.2025 deri më 11.06.2025.
Testi do të zhvillohet në një ditë të vetme dhe do të përfshijë katër lëndë: Gjuhë Shqipe, Gjuhë Angleze, Matematikë dhe një lëndë me zgjedhje.
Secila lëndë do të ketë nga 25 pyetje, me gjithsej 100 pyetje. /Telegrafi/
