Përfaqësuesi amerikan McCoy Pitt deklaroi në një fjalim para Këshillit të Sigurimit të Kombeve të Bashkuara se Shtetet e Bashkuara ishin të informuara për sulmin ajror të planifikuar të Izraelit ndaj Iranit.
Sipas tij, izraelitët i kishin informuar se sulmi ishte i domosdoshëm për vetëmbrojtje. Ai theksoi se SHBA-të nuk kishin marrë pjesë në këtë sulm.
“Prioriteti ynë absolut dhe më i rëndësishëm është mbrojtja e qytetarëve amerikanë, stafit dhe forcave tona në atë rajon,” u shpreh ai.
Ai paralajmëroi Iranin se pasojat do të jenë “të tmerrshme” nëse sulmon qytetarë amerikanë, bazat apo infrastrukturën e tyre.
Ai shtoi se qëndrimi i SHBA-së është zgjidhja diplomatike e konfliktit mes Izraelit dhe Iranit.
Pitt i bëri thirrje udhëheqjes iraniane që të jetë “e mençur” dhe të zgjedhë rrugën e negociatave në këtë moment, raporton BBC.
