Disa orë pasi Associated Press publikoi analizën e fotografive, zëdhënësi i Pentagonit, Sean Parnell, pranoi se një raketë balistike iraniane kishte goditur kupolën në bazën ajrore amerikane në Katar, duke mohuar deklaratat e mëparshme të presidentit të SHBA-së, Donald Trump.
“Një raketë balistike iraniane goditi bazën ajrore Al Udeid më 23 qershor, ndërsa pjesa tjetër e raketave u rrëzua nga sistemet e mbrojtjes ajrore amerikane dhe katariote. Baza ajrore Al Udeid mbetet plotësisht operative dhe e aftë të kryejë misionin e saj, së bashku me partnerët tanë katariotë, për të siguruar sigurinë dhe stabilitetin në rajon,” tha Parnell.
Kanali satelitor londinez Iran International ishte i pari që raportoi për dëmtimet, duke iu referuar fotografive satelitore të siguruara nga një operator tjetër. Imazhet satelitore të Planet Labs PBC tregojnë kupolën gjeodezike të pacenuar në bazën ajrore Al Udeid në mëngjesin e 23 qershorit, vetëm orë para sulmit. Fotografia tregon antenën satelitore brenda kupolës, të njohur si radom. Por, imazhet e 25 qershorit dhe ditëve pasuese tregojnë se kupola nuk ekziston më, dhe duken dëmtime edhe në një ndërtesë të afërt. Pjesa tjetër e bazës duket kryesisht e paprekur.
Trump umnoi rëndësinë e sulmit, ndërsa Irani e lavdëroi. Shtëpia e Bardhë nuk komentoi menjëherë pas pranuimit të Parnellit. Pas sulmit, Garda Revolucionare Iraniane deklaroi se baza ishte “objekt i një sulmi të fuqishëm dhe shkatërrues me raketa”.
Këshilli Suprem i Sigurisë Kombëtare i Iranit gjithashtu njoftoi se baza ishte “zhvendosur”, pa dhënë vlerësime konkrete për dëmtimet.
Këshilltari i udhëheqësit suprem iranian, ajatollah Ali Hamenei, tha veçmas se sulmi kishte ndërprerë komunikimet e bazës, duke lënë të kuptohet se ishte në dijeni për goditjen e kupolës.
“E gjithë pajisja e bazës është shkatërruar plotësisht, dhe tani lidhja dhe komandimi amerikan nga baza Al Udeid me bazat e tjera ushtarake është prerë plotësisht”, tha kleriku radikal Ahmad Alamolhoda.
Megjithatë, zoti Trump përshkroi sulmin iranian si “një përgjigje shumë të dobët”.
Ai tha se Teherani kishte lëshuar 14 raketa, prej të cilave 13 u rrëzuan, dhe njëra u “lejua të fluturonte” sepse po shkonte drejt një zone “pa rrezik”.
