Të martën u mblodh Komisioni Hetimor Parlamentar në lidhje me procedurat për furnizimin dhe menaxhimin me rezervat shtetërore.
Në këtë Komision mori pjesë edhe deputeti i Aleancës për Ardhmërinë e Kosovës, Pal Lekaj, e që ky fakt i habiti deputetët e tjerë, shkruan Lajmi.net.
Kjo pasi që Lekaj u dënua me 3 vjet e 8 muaj burg për rastin e 53 milionë eurove.
“A s’je në burg ti a?”, ishte pyetja e deputetes Valentina Bunjaku-Rexhepi që ngjalli reagimin e Pal Lekajt, teksa ky i fundit fillojë të qeshë.
Por pyetja e Bunjakut nuk mbeti pa përgjigjeje.
Edhe pak jo”, u përgjigj Pal Lekaj.
Ish-Ministri i Infrastrukturës, është dënuar me 3 vjet e tetë muaj burg efektiv në lidhje me pagesën prej 53 milionë eurove që Qeveria e Kosovës i kishte paguar “Bechtel-Enkës” për zgjatjen e afatit të përfundimit të punimeve në autostradën ‘Arbën Xhaferi’.
Lekajt i është shqiptuar edhe dënim plotësues, ku i ndalohet ushtrimi i funksionit publik në administratë publike për 3 vite e gjashtë muaj.
