Zëdhënësja e Trumpit, Karoline Leavitt, iu drejtua mediave pak para të shtënave që ndodhën mbrëmë gjatë darkës në White House në Uashington, e organizuar nga White House Correspondents’ Association.
Në një deklaratë që tërhoqi vëmendje të veçantë pas incidentit, Karoline Leavitt, siç duket me ton shaka, tha: “Definitivisht do të ketë të shtëna sonte”.
Duke folur për fjalimin e pritur të presidentit amerikan Donald Trump, ajo theksoi se ai do të jetë në stilin e tij të njohur.
“Do të jetë një Donald J. Trump klasik. Do të jetë qesharak, do të jetë argëtues”, tha Leavitt, duke shtuar: “Sonte do të ketë disa të shtëna në sallë, prandaj të gjithë duhet të ndjekin”.
Deklarata e saj, e cila në momentin e dhënies u kuptua si metaforë për retorikë të fortë ose humor në fjalim, mori një kuptim krejt tjetër pasi gjatë darkës ndodhi një incident i vërtetë me të shtëna.
Leavitt theksoi gjithashtu se presidenti i përgatit vetë fjalimet e tij.
“Në stilin e vërtetë të Donald Trumpit, ai shkruan vetë, me stilolaps në letër, kështu që është në masë të madhe punë e tij personale”, tha ajo.
