Ushtria izraelite të mërkurën hodhi fletueshka mbi Khan Younis, në jug të Gazës, me ajetin kuranor për përmbytjen e madhe gjatë kohës së Noas, shkruan CNN.
“Ata i kaploi përmbytja, ndërkohë që vazhdonin të bënin keq”, thuhet në fletushkën në gjuhën arabe, transmeton Telegrafi.
The Israelis drop ominous leaflets today over Khan Younis that warn the residents with a Quranic verse:
“the flood carried away the wrongdoers”
(Surah 29, verse 14) pic.twitter.com/kGrl48Akl7
— Gaza Report – اخبار غزة (@gaza_report) December 6, 2023
Fletushkat mbanin logon e Forcave Mbrojtëse të Izraeli. Në videon e filmuar nga AFP, shihen fletushkat duke rënë nga qielli mbi Khan Younis.
Fletushkat kishin të shkruar gjithashtu fjalën “tufan”, ose përmbytje – e njëjta fjalë që Hamasi përdori për të përshkruar sulmin e 7 tetorit mbi Izraelin, “Përmbytjen e Al-Aqsa”.
CNN ka kërkuar përgjigje mbi pretendimet për hedhje të fletushkave mbi Khan Younis, por zëdhënësi i IDF-së izraelite ka thënë se “nuk ka ndonjë koment”. /Telegrafi/
