Komentatori dhe gazetari politik amerikan Tucker Carlson deklaroi se Arabia Saudite dhe Katari kanë kapur dhe “arrestuar agjentë të Mossadit izraelit që po planifikonin sulme me bomba në këto vende”.
“Pse izraelitët do të kryenin sulme me bomba në shtetet e Gjirit, të cilat janë gjithashtu objektiv i sulmeve iraniane?”, pyeti Carlson në emisionin e tij, duke shtuar: “A nuk janë në të njëjtën anë?”
“Izraeli dëshiron t’i dëmtojë Iranin, Katarin, Emiratet e Bashkuara Arabe, Arabinë Saudite, Bahreinin, Omanin dhe Kuvajtin”, tha ai.
Carlson gjithashtu pretendoi se Izraeli po mbjell qëllimisht kaos mes aleatëve arabë të SHBA-së.
Në shkurt, zyrtarë të sigurisë izraelite ndaluan Carlsonin dhe ekipin e tij menjëherë pasi ai intervistoi ambasadorin amerikan në Izrael, Mike Huckabee.
Sipas New York Times, Carlson ishte një nga të paktët persona në rrethin e ngushtë që u përpoq ta bindte Trumpin të mos sulmonte Iranin.
Gjatë tre takimeve në Zyrën Ovale, ai paralajmëroi se një luftë do të rrezikonte jetët amerikane, do të rriste çmimet e energjisë dhe do të destabilizonte rajonin. Ai argumentoi se SHBA-ja po tërhiqej në konflikt për shkak të Izraelit dhe i bëri thirrje Trumpit t’i rezistonte këtij presioni.
Trump tha se i kupton rreziqet, por ndjen se nuk mund të qëndrojë mënjanë nëse Izraeli sulmon.
