Rruga “Adem Jashari” në Prizren, e njohur si një nga zonat kryesore të bizneseve në qytet, prej disa ditësh po përballet me probleme serioze në furnizimin me energji elektrike. Ndërprerjet e shpeshta të rrymës po dëmtojnë aktivitetin e bizneseve dhe po shkaktojnë pakënaqësi të madhe te pronarët dhe qytetarët.
Bizneset kërkojnë zgjidhje urgjente nga institucionet përgjegjëse, duke theksuar se një zonë kaq e rëndësishme ekonomike nuk mund të lihet pa furnizim të qëndrueshëm me energji.
