Nënkryetari i Aleancës për Ardhmërinë e Kosovës, Besnik Tahiri, ka reaguar ashpër ndaj rritjes së vazhdueshme të çmimeve të produkteve esenciale, duke e cilësuar situatën si të papranueshme dhe dëshmi të një menaxhimi të dobët qeveritar.
Tahiri ka theksuar se çmimet e produkteve bazike, përfshirë qumështin, produktet e qumështit, frutat dhe artikuj të tjerë ushqimorë, janë rritur në mënyrë drastike dhe shpesh janë më të larta sesa në vendet më të zhvilluara të Evropës, si Zvicra, Gjermania, Italia apo Franca.
“Çfarë është tu ndodh kështu? Çdo ditë po shtrenjtohen çmimet, janë shku në hava. Si është e mundur që produktet elementare në Kosovë të kushtojnë më shumë se në vendet me standard shumë më të lartë?”, ka deklaruar Tahiri.
