Itamar Ben-Gvir reagoi ndaj vendimit të Kryeministrit izraelit Binyamin Netanyahu për t’u kërkuar falje Katarit për sulmin ajror që u krye më 9 shtator në Dohë, duke përshkruar sulmin si “të rëndësishëm, të drejtë dhe moral”. Kryeministri izraelit Binyamin Netanyahu u takua në Shtëpinë e Bardhë me Presidentin amerikan Donald Trump.
Takimi — që ndiqet me vëmendje nga e gjithë bota — filloi pak më parë, dhe pritet që pas bisedimeve, ku temë kryesore do të jetë oferta për armëpushim në Gaza, Trump dhe Netanyahu të mbajnë një konferencë të përbashkët për shtyp.
E KËRKOI KATARIN DHE I KËRKOI FALJE
Takimi ishte dëshmitar i një ngjarjeje interesante.
Sipas raporteve nga media izraelite dhe amerikane, gjatë bisedës Netanyahu telefonoi Kryeministrin e Katarit, Sheikh Mohammed bin Abdulrahman Al-Thani, dhe i kërkoi falje për sulmin që Izraeli kryeu më 9 shtator në kryeqytetin e Katarit, Dohë.
MINISTRI IZRAELIT I EKSTREMIT TË DJATHTË PËRSHKRUAN SULMIN SI “TË RËNDËSISHËM, TË DREJTË DHE MORAL”
Ministri izraelit i Sigurisë Kombëtare, i pozicionuar në krahun e ekstremit të djathtë, Itamar Ben-Gvir, në një postim nga llogaria e tij në platformën sociale të kompanisë X me qendër në SHBA, përshkroi sulmin ndaj Dohës si “të rëndësishëm, të drejtë dhe moral”.
“ASNJA SHUMË PARASH, NUK MUND T’I PASTRON TERORIZMIN NË DORË”
Duke mbrojtur sulmin ndaj Katarit dhe duke reaguar ndaj Netanyahu-së, Ben-Gvir deklaroi: “Katar është një shtet që mbështet terrorizmin, e financon dhe e nxit atë. Asnjë shumë parash nuk mund të pastrojë terrorizmin që ata mbajnë në dorë.”
ÇFARË NDODHI
Forcat e armatosura izraelite kryen më 9 shtator një sulm me aeroplanë luftarake në Dohë, në një ndërtesë ku ndodhej delegacioni i negociatave të Hamasit.
Në sulmin, në të cilin u shpëtua një pjesë e udhëheqjes së Hamasit, humbën jetën 6 persona: djali i Halil el-Hayye, anëtar i Zyrës Politike të Hamasit, katër anëtarë të tjerë të Hamasit dhe një efektiv policie i Katarit.
Ndërsa Netanyahu, më 10 shtator, në një deklaratë paralajmëroi për një sulm të ri ndaj Katarit me fjalët: “O i dëboni ata, ose i dorëzoni drejtësisë. Nëse nuk e bëni këtë, do ta bëjmë ne.”
