Presidentja e Kosovës, Vjosa Osmani tha se Komandanti Adem Jashari është i pavdekshëm në frymën e lirisë.
Në një postim në Facebook, Osmani derisa ndau fotografi të Adem Jasharit theksoi se çdo ditë duhet t’i përulemi.
“Ai është i gjallë në çdo zemër shqiptari, frymë e pavdekshme e lirisë dhe krenarisë kombëtare. Në 70 vjetorin e lindjes, si dhe në çdo ditë që frymojmë lirshëm, të përulemi Komandant!”, ka shkruar ajo.
