Drejtoria për Bashkëpunim Ndërkombëtar Policor e PK-së, në koordinim dhe bashkëpunim me njësitet tjera relevante të Policisë së Kosovës dhe institucionet e drejtësisë, njofton se ka realizuar dy ekstradime të dy personave të cilët përmes INTERPOL-it ishin në kërkim ndërkombëtar.
Të dyja ekstradimet janë realizuar sot, më 17.11.2026, “nga Shqipëria për në Kosovë, është ekstraduar shtetasi i Kosovës, H.K., pasi që i njëjti kërkohej me urdhër arrest ndërkombëtar lëshuar nga institucionet e drejtësisë së Republikës së Kosovës, kurse nga Franca për në Kosovë, është ekstraduar shtetasi i Kosovës A.S., pasi që kërkohej me urdhër arrest ndërkombëtar lëshuar nga institucionet e drejtësisë së Republikës së Kosovës”, njofton policia.
Pas ekstradimit, të dyshuarit u janë dorëzua njësiteve përkatëse të policisë DRP-Prishtinë, përkatësisht DRP- Ferizaj, për procedura të mëtutjeshme ligjore
