Përfundon seanca ndaj katër serbëve të arrestuar në Gjakovë, në pritje vendimi

Ka përfunduar seanca gjyqësore ndaj katër serbëve që u arrestuan të dielën në Gjakovë.

Kjo u bë e ditur për Klankosova nga zëdhënësi Lekë Muqaj.

“Para pak momentesh ka përfunduar seanca. Tani duhet të pritet vendimi i cili do të merret nga gjyqtari i rastit. Sapo të ketë ndonjë vendim do t;ju njoftojmë”, deklaroi ai.

Ndaj, B.R., N.V., P.K. dhe M.S, Prokuroria sot gjatë ditës ka kërkuar nga gjykata caktimin e masës së paraburgimit prej 30 ditësh.

Në njoftimin e organit të akuzës, thuhet se të njëjtit u ndaluan për posedim të armëve të ftohta- një sëpatë dhe dy thika.

Ndër të tjera, thuhet se të dyshuarit u ndaluan pasi kishin tejkaluar shpejtësinë e lejuar.