Sulmi surpriz i Hamasit ndaj Izraelit ishte një dështim kolosal i inteligjencës izraelite, tha të shtunën eksperti i sigurisë i BBC-së Frank Gardner. Izraeli ka një nga rrjetet më të gjera dhe më të sofistikuara të inteligjencës në Lindjen e Mesme, vendas dhe të huaj.
Ajo ka informatorë të infiltruar në grupe militante jo vetëm në territoret palestineze, por edhe në Liban, Siri dhe gjetkë. Në të kaluarën, ata kanë qenë në gjendje të vrasin liderët militantë me goditje precize duke përdorur drone apo edhe telefona celularë me eksploziv.
Megjithatë, me këtë sulm të Hamasit në fund të një feste hebreje, Izraeli duket se është kapur duke dremitur. Militantët duket se kanë arritur të planifikojnë dhe të nisin një sulm të koordinuar me kujdes ndaj Izraelit në fshehtësi të plotë. Nuk ka dyshim se Izraeli do të hakmerret me forcë të madhe. Por izraelitët tani do të pyesin veten pse spiunët e tyre nuk e dinin se kjo po vinte dhe e paralajmëruan vendin për këtë, përfundon BBC.
Në rrjetet sociale po përhapet edhe një video e sulmit të pretenduar në territorin izraelit. Në video shihet një gardh që shemb nga një buldozer. Pamjet nuk mund të verifikoheshin në mënyrë të pavarur.
Palestinians use a bulldozer to break through the border fences and enter Israeli territory. pic.twitter.com/AusgwKf4JD
— NEXTA (@nexta_tv) October 7, 2023
